Tepas / Aplikasi Web / Babagi ku AddThis dina Basa Sunda

Babagi ku AddThis dina Basa Sunda

Hoyong babagi eusi loka ku AddThis, parabot ramatloka anu nyunda?

Kawas Facebook dina Basa Sunda anu dibagikeun dina Facebook ku ratusan sobat, anu geus ngundakkeun lobana tamu nu ngersakeun linggih ka sarwasunda.blogspot.com.

Pikeun ngaronjatkeun traffic (lobana panglongok, semah) ka blog atawa situs (loka) urang, salah sahiji tarekahna nyaeta ku cara ngabagikeun atawa nyebarkeun artikel atawa tulisan urang ka jajaring sosial (social network). Pikeun tujuan eta, anjeun bisa merenahkeun fasilitas ti Addthis anu haratis pikeun pakeeun semah nu datang ka blog atawa loka anjeun.

Adthis teh nyaeta wijet (widget), pangeuyeub dina wangun menu nu eusina ratusan tumbuloka (link) ka loka-loka nu kawentar (Amazon, Blogger, Box, Digg, Google Buzz, LiveJournal, MySpace, Orkut, Plurk, Reddit, Slashdot, Squidoo, StumbleUpon, Twitter, TypePad, Wordpress, Yahoo, jeung rea-rea deui) nu bisa dipilih dumasar kahayang pamake.

Kiwari AddThis ngarojong leuwih ti 320 tumbuloka jeung leuwih ti 60 basa. Salah sahiji basa nu dirojong teh nyaeta basa Sunda.

Mangga undeur kodena...

Addthis dina Wangun Baku (standar)

Addthis dina wangun baku bakal otomatis ngadeteksi panataan basa dina browser (panyungsi loka) nu digunakeun ku semah (panglongok) sewang-sewang, pikeun nangtukeun basa panganteurna.
Ieu kodena

<!-- AddThis Button BEGIN -->
<div class="addthis_toolbox addthis_default_style">
<a href="http://www.addthis.com/bookmark.php" class="addthis_button_compact">Bagikeun</a>
</div>

<script type="text/javascript" src="http://s7.addthis.com/js/250/addthis_widget.js"></script>
<!-- AddThis Button END -->

contona tingali di handap...

Addthis dina Basa Sunda

Sangkan Addthis midang dina basa sejen, aya kode nu kudu diseselkeun dumasar kana kode basa nu tangtu. Conto kode basa nu dirojong ku AddThis di antarana: Basa Perancis fr, Malayu ms, Urdu ur, Jepang ja, Tagalog tl, Rusia ru, Indonesia id, jeung Sunda su.

Lamun anjeun nangtukeun hiji basa, upamana Basa Sunda (su) pikeun AddThis, AddThis moal malire deui kana panataan basa dina panyungsi loka nu digunakeun samemehna, tapi salawasna make basa nu dipilih eta.
Dina nuliskeun kodena, Kode Baku di luhur teh ditambahan ku kode basa nyaeta:

<script type="text/javascript">
var addthis_config = {
    ui_language: "su",
} 
</script>

jadi, kode salengkepna teh nyaeta:

<!-- AddThis Button BEGIN -->
<div class="addthis_toolbox addthis_default_style">
<a href="http://www.addthis.com/bookmark.php" class="addthis_button_compact">Bagikeun</a>
</div>

<script type="text/javascript" src="http://s7.addthis.com/js/250/addthis_widget.js"></script>

<script type="text/javascript">
var addthis_config = {
    ui_language: "su",
} 
</script>
<!-- AddThis Button END -->

Addthis Sarwa Sunda

Nu ieu mah panataan kode AddThis nu dipake ku Sarwa Sunda.

ui_language AddThis di Sarwa Sunda ditata make basa Sunda
username netelakeun yen Sarwa Sunda salaku pamake Addthis nu kadaptar, make ngaran 'adsenses'
ui_cobrand ngaran ieu loka
data_track_clickback diatur kana true, sangkan AddThis nyatet ketak (klik kana tombol/panumbu) pamake
ui_header_color panataan kelir (warna) pelebah judul
ui_header_background panataan kelir (warna) latar

Ieu kodena:

<div class="addthis_toolbox addthis_default_style">
<a href="http://www.addthis.com/bookmark.php" class="addthis_button_compact" title="bagikeun, tepakeun, hirupkeun">Bagikeun</div>
</div>

<script src='http://s7.addthis.com/js/250/addthis_widget.js' type='text/javascript'/>

<script type="text/javascript">
var addthis_config = {
    ui_language: "su",
    username: "adsenses",
    ui_cobrand: "Sarwa Sunda",
    data_track_clickback: true,
    ui_header_color: "#5B74A8",
    ui_header_background: "#CFDDF6"
}
</script>
<!-- AddThis Button END -->

Anjeun meunang milih rek jadi pamake biasa atawa nu kadaptar, duanana haratis. Kauntungan kadaptar mah, sakabeh ketak atawa aktivitas kana tombol atawa panumbu AddThis bakal dicatet, tuluy diperenahkeun kana akun urang di AddThis dot kom. Anjeun bisa ngagunakeun eta catetan pikeun ngaroris semah nu datang ka loka urang.

Ieu conto AddThis Sarwa Sunda, mangga cobi usap-usapkeun tutunjuk (mouse) kana gambar atanapi seratan di handap

Bagikeun