Ieu yeuh parabot uduh nu ngalantarankeun anjeun bisa mawa Google Chrome ka kebon..
ajip... pisan pan, komo mun chromna geus dipasangan
Facebook Basa Sunda mah. Ketang ka kebon teuing mah piraku rek pesbukan keneh wae, nya? Cag kebonna, cag pesbukna... kawasna jalma sadunya geus pada apal ka PortableApps bakating ku populerna :)
Naon aplikasi portabel teh?
Aplikasi portabel (bahasa Inggris:
portable application) nyaeta parabot uduh (
software) komputer anu bisa dibabawa dina pakakas portabel (contona:
USB flash drive) jeung bisa dipake dina unggal komputer tanpa kudu ngaliwatan proses instalasi heula. Nalika pakakas portable disambungkeun reujeung komputer, aplikasi portabel eta bisa langsung dijalankeun.
Naon PortableApps teh?
Ieu teh sumber nembrak (
open source) jeung
free platform, bisa dijalankeun dina rupa-rupa paneundeunan data (
disk USB, iPod, kartu memori,
portable hard drive, jrrd). Geus jutaan pamakena di sakuliah dunya jeung boga koleksi lengkep aplikasi open source sarta aplikasi bebas (
freeware) jeung komersial anu kompetibel ti mitra di industri
software jeung
hardware.
PortableApps.com ditaratas ku John T. Haller,
developer sababaraha aplikasi portabel kaasup "Firefox Portabel" nu mitembeyan 'tren' aplikasi portabel. Inyana saparakanca geus nyieunan aplikasi portabel ti bulan Maret 2004. Kiwari, timna geus ampir 100 úrang developer, panarjamah (
translators), juru kemas aplikasi (
packagers), desainer jeung juru tes (
release testers). Tujuan nu hayang dihontalna nyaeta pikeun museurkeun pangaweruh jeung tarekah dina mekarkeun aplikasi portabel jeung ngawangun
platform nembrak nu bisa dipake ku sakabeh
developer software atawa
hardware.
Naon hebatna PortableApps?
Salian ti menu parabot uduh, PortableApps oge dilengkepan ku
fitur pikeun nyieun cadangan aplikasi (
backup utility), toko aplikasi (
app store), pamutahiran otomatis (
automatic updater) jeung sistem panata aplikasi nu meungkeut sakabeh aplikasi portabel milik anjeun sarta mere kamungkinan ka anjeun pikeun ngawangun paket aplikasi portabel ropeaan anjeun sorangan.
Anjeun bisa nambahan aplikasi anyar toko app portabel, ngatur aplikasi dumasar kategori atawa
folder, milih pidangan jeung kelir (
theme) nu dipikahayang jeung sacara otomatis dina nga-
update, eta kabeh bisa kacumponan ku ieu sistem anu babari dipakena.
Aya aplikasi portabel dina basa Sunda?
Aya atuh! PortableApps.com platform™ nyayagikeun menu sopwer portebel anu
dirojong ku basa Sunda. Mangga tingali gambarna.
klik pikeun ningali gambar badagna
Cara ngadonlotna?
1.
Undeur Platform PortableApps, tiasa diundeur ti sourceforge.net. Upami hoyong gampil mah mangga kantun klik di handap.
Kanggo Windows atanapi (Linux, Mac, FreeBSD, jeung Solaris; nganggo
Wine).
2.
Undeur Aplikasi Portabel, carana klik ikon 'Atur Aplikasi' tuluy klik 'Undeur Aplikasi' tina menu (tingali gambar di luhur). Atanapi dihaturan linggih ka
ramatlokana kanggo milihan ratusan aplikasi kasedep salira.
> mulang ti lawungan ahir, kelas patrol