Google Terjemahan kiwari resmi ngarojong Basa Sunda - narjamahkeun via web atawa seluler kiwari sayagi pikeun basa Sunda
Sarwasunda. Bagja kacida. Ayeuna kuring bisa make Google Translate pikeun narjamahkeun leuwih ti 80 basa di dunya ti jeung kana basa Sunda.
Luyu jeung
harepan harita Basa Sunda kiwari jadi pilihan basa dina Google Tarjamah. Samemehna, Basa Jawa geus leuwih ti heula asup kana daptar basa Google Translate, dina taun 2013.
Lima taun katukang, simuing (tangtos seueur nu sanésna gé) nyuratan Google sangkan ngalebetkeun slot basa Sunda kana Google Translate. Jawabanana téh kinten-kinten: Google mung ngalebetkeun basa nu jumlah panyaturna (nu sok nganjang ka Internét) minimal 10.000 urang. Harita bet kaémut, piraku ti antarana 30-an juta urang Sunda, teu nepi ka 10.000 nu sok maké internét. Nya lami-lami mah geuning tinekanan, basa nu dipiboga ku urang Sunda tos lebet kana éta pakakas.
Mung, nya kitu, saleresna ieu téh pan hanca. Lian ti merlukeun analisis linguistik nu lintas basa, peryogi “dirempug” deuih ku saréréa, margi narjamahkeun ratusan rébu frasa dina Google Translate téh moal cumpon ku saurang dua urang. Mung tiasa laksana upama ku urang dipigawé babarengan sauyunan. Prung, ah... (dicomot tanpa idin -muga-muga ngahampura - tina pairan pesbuk @Dadan Sutisna -
Ngarojong 10 Basa Anyar
Google Translate kiwari ngasupkeun Basa Sunda jeung 9 basa anyar liana.
Basa Sunda, basa daerah urang Sunda tea, di pulo Jawa di Indonesia, nu ceuk Google kiwari dipake ku 39 juta urang panyatur, ahirna jadi bagean tina kulawarga basa Google Tarjamahan.
Basa anyar sejen nu dirojong di Asia nyaeta eta
Burma, basa resmi Myanmar (33 juta panyatur), jeung
Malayalam, salah sahiji tina genep basa klasik di India (38 juta panyatur). Tambahan anyar séjén ti Asia Tenggara di antarana
Sinhala, salah sahiji basa resmi di Sri Lanka (16 juta urang panyatur).
Google Tarjamah ditambah tilu basa di Afrika:
Chichewa (12 juta urang pamake di Malawi jeung nagara sabudeureun);
Malagasy, basa nasional Madagaskar (18 juta urang panyaturna); jeung
Sesotho, basa nasional Lésotho (6 juta panyatur).
Pikeun Asia Tengah, Google nambahan rojongan pikeun:
Kazakh (11 juta panyatur nu aya di Kazakhstan);
Tajik, basa nu patali jeung basa Persia (4 juta panyaturna aya di Tajikistan); jeung
Uzbek (25 juta urang panyaturna aya di Uzbékistan).
Kalayan panambah 10 basa eta, Google Translate kiwari ngarojong 90 basa di sakuliah dunya. Basa-basa anyar eta kiwari sayagi dina aplikasi ramaloka (web) sarta dina aplikasi seluler (
mobile apps) jeung dina pungsi tarjamahan jeroeun panyungsi loka (
browser) Chrome.
"10 basa-basa anyar eta bakal ngalayanan leuwih ti 200 juta jalma pikeun narjamahkeun teks tina jeung kana basa indungna," kitu ceuk tim nu ngaropea tarjamahan ti Google.
komunitas panarjamah
Google tangtu wae moal bisa ngajalankeun panarjamahan basa anyar tanpa ayana komunitas panarjamah. Sanajan sistem mesin panarjamah Google mampuh diajar tina panarjamahan nu kapanggih di internet, Google tetep butuh pangrojong ti jalma nyata pikeun ningkatkeun kamampuh algoritma (kode) panarjamahna. Ku kituna pikeun basa Sunda, mun urang aya karep pikeun mantuan Google, mantuan nyundakeun dunya, tangtu kacida dipiharepna.
Akses tumbuloka:
komunitas panarjamah
Google Tarjamah Seluler
Muka Google Translate tina pakakas seluler
https://translate.google.com/m/translate
Google Tarjamah Web
Muka Google Translate tina pakakas web
https://translate.google.com/
aplikasi donloteun
panyungsi loka Chrome (chromium)
Dina browser chrome geus dibeundeul kamampuh panarjamahan otomatis Google Translate. Rojongan pikeun basa Sunda bakal sagancangna dipasangkeun dina versi Chrome panganyarna. Mangga antos.
Aplikasi Google Tarjamah dina Android
http://play.google.com/store/apps/details?hl=en&id=com.google.android.apps.translate
Aplikasi Google Tarjamah dina Mac (Apple)
http://itunes.apple.com//app/google-search/id414706506?mt=8